Қат-қабат қарбалас өмірдің қажытып жіберетіні соншалық кейде жұмыс орнында әріптестеріңізбен болмашы нәрсеге бола кикілжіңдесіп қалатын кездер болады. Келеңсіздік керіскен екеудің ғана көңіл күйін бұзып қоймай, айналасындағы адамдарға да әжептәуір әсер етуі мүмкін. Кейбір кісілер ұрыс-керістен бірден арыла алмай, ашуын үйіне алып келіп, отбасында да «ойран» салуы мүмкін. Яғни, көп жағдайда жұмыс орында орын алған келеңсіздіктер алдағы уақытта көп қиындыққа себепкер болып жатады. Ендеше, мұндай жағдайда өз өзіңізге ұстамды болу үшін мына қарапайым ережелерді сақтасаңыз жетіп жатыр. 1. Өзіңіздің расында да ашуланып тұрғаныңызды мойындаңыз. 2. Орын алып жатқан келеңсіздіктен бөлмеден ойша шығып кету арқылы аулақтаңыз. 3. Келеңсіздікке көп мән бермеңіз және өміріңізге қауіп төндіреді-ау деп ойламаңыз. 4. Сол тұрған бойыңызда «ұрыс-керіс болған жоқ», «ештеңе етпейді» деген сөздермен өз өзіңізге басу айтыңыз. 5. Бірнеше мәрте терең дем алыңыз, іштей онға дейін санап шығыңыз да, бұл келеңсіздік өміріңізге ешқандай қауіп төндірмеуі тиіс екенін тағы бір мәрте қайталаңыз. 6. Ұрсысып қалған адамыңызбен бірден ат құйрығын кесісіп кетуден аулақ болыңыз, өзіңізге де, оған да ойлануға уақыт беріңіз. 7. Қарсыласыңызға жауап қайтармас бұрын, бірнеше секуд үнсіз тұрыңыз, мүмін ол сөздерді енді айтудың өзі артық шығар. 8. «Менің намысымды таптап тұр» деген жалған намысшылдықтан аулақ болыңыз, ол да сіз туралы солай ойлап тұрғанына күмәніңіз болмасын. 9. Көңіл-күйңізді туған-туысқа, балаңызға, әйеліңізге немесе достарыңызға ақтарып, жаманатты болғанша, отыра қалып қағазға төгіңіз, ол бәрін көтереді. Кейін өзіңіз оқып қарасаңыз, тіпті күлкілі де болуы мүмкін. 10. Егер осы айтылғандар сізге шынымен көмектеспейтін болса, онда психологтың көмегіне жүгіну керек немесе жаңа жұмыс орынын іздеңіз