Дана халқымыз «болар бала боғынан» дейді. «Болатын баланы бесігінен емес, төрінен ізде» деген де жақсы сөз бар. Халқымыз қашанда «ел іші-өнер кеніші» деген қанатты тіркесті кейінге өсиет еткен. Қоғамның басты байлығы адам десек, адам өмірінің мәні дүниеге бала әкеліп, ұрпақ өсіру екені белгілі. «Балалы үй-базар» деп көнекөздер бекер айт-паса керек. Дүниеге бала әкеліп, отбасына, әулетке ұрпақ сыйлайтын аналар қауымы қашанда құрметке лайық. Бүгінгі әңгімеміз – осындай тектінің тұяғы Әбубәкір Елеусін туралы.
«АЙГӨЛЕКТЕ» АҚТӨБЕЛІКТЕРГЕ ТӘНТІ БОЛДЫ
«Қазақстан» Ұлттық арнасында күллі республиканың бүлдір-шіндерін біріктіріп, үлкен сынға салған «Айгөлек» байқауы талай өнерлі баланың өрге жүзуіне себепкер болды. Әрине, біздің батыр да, ақын да шыққан Ақтөбе өңірі жүлдеден кенде қалған жоқ. Әсіресе, төрт жас-тағы балдырғандардан құралған «Балбөбек» би ансамблінің «Қара жорға» биі елді дүр сілкіндірді. Жұрттың тәнті болғаны соншалықты, зал тұрып қол соқты.
Редакциямызға осы бөбектер туралы жаңалығын арқалап, қуанышымен бөліспек болып «Балбөбек» би ансамблінің мүшесі Әбубәкір Елеу-сіннің әжесі Райса апай келді. Кішкентай балдырғанның жетістіктеріне біз де риза болыстық.
ТҮРІКТЕРДІҢ ЕЛІНЕ САЯХАТ
Кішкентай өнерпаздың биші достары «Айгөлектен» Түркия еліне саяхат жасау үшін жолдама алған екен. «Балбөбек» би ансамблі мектепке дейінгі балақандардан құралған. Жетекшілері – Салтанат Өтеталиева. Түркия еліне де алғашқы сапарлары екен. Алған әсерлері мол. Тіпті әсер ғана емес, алғыс та ала келіпті. Енді ше? Қазақтың «Қара жорғасын» шыңына жеткізе билеген бөбектердің өнеріне тек өлі адам ғана тамсанбайтын шығар?!
Кішкентай бөбектің әжесі Райса апаның айтуынша бүкіл республикаға Ақтөбенің атын танытқан «Балбөбек» би ансамблінің өнерпаздары тек Түркия еліне саяхат жасаумен шектелмейді. Болашақта балғын бүлдіршіндерді Венгрия, Румыния еліне шақырып жатыр екен. Бәрекелді демей көріңіз енді?!
ҚАЗАҚТА БАР ЖІГІТТЕР ӨНЕР СҮЙГЕН
«Балбөбек» би ансамблінің байқауға қатысуға кеткен шығындарын өз мойнына алған ауылдың кәсіпкер жігіті – Төлеген Шәудіров деген азамат болып шықты. Жас өнерпаздардың талабын қолдап, өнерге деген ұмтылыс-тарын биік бағалай білген кәсіпкер балақандардың жол шығыны, тағы да басқа мұқтаждарын өз міндетіне алыпты. Бұл туралы Райса апай былай дейді:
- Әбубәкір Елеусін менің немерелерімнің үлкені. Жасы биыл төртке толады. Ауылдың кішкентай өнерпаздарын үлкен байқауға жіберуге көмектескен ауыл әкіміне, кәсіпккер жігітке алғысымыз шексіз. Қазақ «бұлақ көрсең көзін аш» деп жатады. Болатын баланы асығынан танитын елміз. Сондықтан кәсіпкер жігітке де, аудан мен ауыл әкімдеріне де алғысым шексіз. Кішкентай дарындарды елге, жұртқа танытып жатқандарына қарап, біздің адалды айнымай танитын асыл қасиеттеріміздің жоғалмағанына тәубе деймін.
ӨНЕРЛІ ӨРЕНДЕР – БІЛІМДІ БОЛУ КЕРЕК
«Балбөбек» би ансамблі әзірге мектеп жасына дейінгі балалардан құралған. Олар ауылдағы балабақшаның жас өнерпаздары. Олардың ендігі өнері өрге жүзу үшін білімдері де мықты болу керек. Балалар әдебиеті дегенде көбіміздің есімізге бала-ларға арналған фольклор, ауыз әдебиетіндегі өлең-тақпақтар мен ертегі, аңыз-әңгімелерден бастап, ақын-жазушылардың балалар үшін жазылған өлеңдері мен дастандары, әңгіме, повестері, романдары түседі. Шынтуайтқа келгенде балалар әдебиеті мұнымен бітпейді. Балаларды имандылыққа, адамгершілікке, білімпаздыққа, еңбексүйгіштікке, отансүйгіштікке баулитын шығармалардың, асыл сөздердің бәрі жатады. Санамаласақ, әлгі аталған шығармалар, пьесалар, ән өлеңдері, ғылыми-көпшілік, танымдық, тарихи, ел тану, жер тану, табиғат тану, жан тану болып жалғаса береді. Бұлардан кинофильмдер мен мультфильмдердің де аулы алыс емес. Сондықтан да балаларға арналған көркем әдебиет, оның проблемалары туралы сөз қозғағанда, танымдық әдебиеттер, өнер туындылары, оқулықтар туралы да көкейкесті мәселелерді ортаға салудың артықтығы болмайды.
P.S.: «Болар бала боғынан» дейді қазақ. Осы жерде бір аңызды ғибрат етіп кеткім келеді. Баяғыда немересінен
- Өмір сүру үшін не қажет? – депті қарт.
- Ата, өмір сүру үшін алтын, ақша, нан, мал қажет, - депті бала.
- Жоқ балам, адамның өмір сүруі үшін су, от, тұз, қыз, ақыл қажет. Сy тіршіліктің нәрін береді, от өмірдің сәнін береді, тұз астың дәмін келтіреді, қыз көңілдің сәнін келтіреді, ақыл өмірдің мәнін береді. Адам ақылмен ағайынды табады,... ақылсыз адам ағайыннан безеді, - депті қарт.
Болашағы бар бүлдір-шінге біз де бақытты келешек тілейміз!
Индира Кереева.
|
