Главная » 2011 » Тамыз » 18 » Ферғана жазығында болған 7 баллдық жойқын сілкініс толқыны еліміздің оңтүстігіне дейін жетті
12:02
Ферғана жазығында болған 7 баллдық жойқын сілкініс толқыны еліміздің оңтүстігіне дейін жетті
Ферғана жазығында болған 7 баллдық жойқын сілкініс толқыны еліміздің оңтүстігіне дейін жетті
– Осы жойқын зілзала толқыны еліміздің оңтүстік аймақтарында да сезілді. Күші 3-4 баллдық жер асты дүмпулері Жамбыл мен Оңтүстік Қазақстан облыстарында тіркелген. Барлығы дін аман. Бірақ жер сілкінгенде жедел әрекет етпек түгілі, телефон қоңрауларына тұщымды жауап қайтара алмады деп жергілікті төтенше жағдайлар қызметіне халықтың ашуы жоқ емес, деп хабарлайды «КТК».
Шымкенттіктер алғашқы дүмпуді түнгі бір жарымда сезіпті. Бес минуттан кейін жер одан күштірек сілкінген. Дүкендегі бақылау камерасына түскен көріністе зілзаладан сөредегі тауарлардың құлап жатқаны көрініп тұр.
«Түнде 2-ге 20 мин қалғанда сықырлап жатты, одан осы мына үй шайқалды. Лифтке жүгіріп бардым, істемейді екен. Ашһәдуалла деп отырдақ, не істейміз басқа», - дейді Шымкент қаласының тұрғыны.
«Құтқару қызметіне телефон шалдық, болуы да мүмкін, болмауы да мүмкін деді. Барып жата беріңіз деді. Сонда да біз 5-6 ға дейін отырдық», - деді тағы бір Шымкент қаласының азаматы.
Тараздықтардан да өткен түні ұйқы қашты. Тұрғындар дабыра көтеріп, өткен түнді далада өткізді. Халық құтқару қызметі оларды сабыр сақтауға шақырмақ түгілі, дабыл қағуды ұмытып кетті деп налиды.
«Теледидардан да, радиодан да ешқандай хабар болған жоқ. Дабыл, ештеңе ойнаған жоқ. Әлі өзім қорыққанымнан дірілдеп тұрмын. Мүмкін тағы да болса, құлап, үйдің астында мыжылып қалатын жағдайымыз жоқ. Ертерек хабар болса, біз оған дайындалатын едік», - деген мұңымен бөлісті Тараз қаласының тұрғыны Мұхамедәли Тілдабаев.
Ал олардың шымкенттік әріптестері «ештен кеш жақсы» десе керек, дабылды жер сілкінген соң 1 жарым сағаттан кейін қосқан.
«Біздің диспечерлер мен шұғыл кезекші халықты әрі қарай поникавать етпеу үшін түсіндіру жұмыстарын жүргізіп, халықтардан әртүрлі сұрақтар болған, обратный талчок болған. Оны дүние жүзінде ешкім айта алмайды», - деп ақталуда ОҚО ТЖД бастығының орынбасары Дарын Байсариев.
Әзірше зілзаладан қираған ғимараттар немесе зардап шеккендер туралы ақпарат түскен жоқ.