Атырауда ұсталған бірнеше облыс аумағында лаңкестік акті ұйымдастыруға әзірлікке күдікті экстремистер тобының арасында 17 жасар жасөспірім де бар", - деп хабарлады Атырауоблыстық сотының баспасөз хатшысы Боранбай Ғалиев.
Б.Ғалиевтің айтуынша, жас жігіт қалалық колледждер бірінің оқушысы екен.
Ол ұйымдасқан қылмыстық топ мүшесі болғасын ғана ұсталып отырған жоқ. Тергеу нұсқасы бойынша жасөспірім қала маңындағы Алмалы кентінде қолдан жасалған жарылғыш құрылғыны сынауға қатысқан.
Ол өзінің әріптестерімен бірге ұсталды. Ұстау кезінде одан жарылғыш заттардың бөлшектері тәркіленді. "Оның жасы ескеріліп, сот оны үйқамаққа (домашний арест) отырғызуға үкім шығарды", - деді Б.Ғалиев.
Бүгінде Атырауда 30 тамызда сот берген санкция бойынша Атырау және Қазақстанның онымен көршілес облыстары аймақтарында лаңкестік акті жасауға әзірленуге 22 күдікті қолға түсті.
Естеріңізге сала кетейік, тамыз айының соңында бірнеше күн бойы Атырауда экстремистік топ мүшелерінің жолы кесілді. Бүгінде барлығы 22 адам тұтқындалды. Құқық қорғау өкілдерінің айтуынша, "Атырау" шағынауданында операция кезінде аса қарсылық көрсеткен топ мүшесінің бірінің көзі жойылды.
Барлық ұсталғандар уақытша оқшаулау абақтысына қамалды. Тергеу амалдары жүргізілуде, лаңкестік актілер әзірлеуде олардың қандай мақсатты көздегені және ұсталғандардың кімдермен байланыс жасағаны оның барысында белгілі болады.
|