Алматы қаласының полицейлері 9 жасар қызды зорламақшы болған 30 жастағы жергілікті тұрғынды қолға түсірді.
Бұл туралы бүгін ҚР Ішкі істер министрлігі Мемлекеттік тіл және ақпарат департаментінің басшысы Нұрділдә Ораз мәлім етті.
Оның атап өтуінше, сол күні қыздың өгей әкесінің танысымен бірге ішімдік ішкені анықталған.
Өгей әке ұйықтап қалған кезді пайдаланған күдікті қызды қорқытып, үйден далаға алып барып, зорламақшы болған. Абырой болғанда, оның қолынан сытылып шыққан қыз қашып үлгірген.
"Жедел іздестіру іс-шараларын өткізу барысында күдікті ұсталып, уақытша оқшаулау орнына қамалды. Аталған факті бойынша қылмыстық іс қозғалып, тергеу амалдары жүргізілуде", - деді ол.
|